الإخوان في قصر الرئاسة .. الإخوان عملاء للنظام
الأخوان راحو قصر الرئاسة ..الإخوان رجعو من قصر الرئاسة..الإخوان سلمو علي مبارك ...الإخوان أكلو حاجات مع مبارك ...الإخوان ..الإخوان ...الإخوان مبقاش في سيرة في البلد الا الإخوان ...اتهامات ..تصريحات ..تهديدات
خلاص دماغي اتخوتت..كل يوم اسمعلي بقين يا اما في جريدة يا اما في قناة فضائية يا اما في التليفزيون بتاعنا ..ده حتي عم عبده البقال اللي تحت بيتنا ( اللي اكتشفت بعد كده انه تبع امن الدولة) ..خايفين للاخوان يمسكو الحكم..خايفين من الإخوان ليتعاونو مع اسرائيل وامريكا...خايفين للاخوان يعملو صفقة مع النظام ...كلام كتير هنا وهناك مرة أعديها ...مرة افوت ..أحيانا أرد
لكن صراحة آخر حاجة قريتها كانت تفور الدم ..نواب الإخوان في قصر الرئاسة يصافحون الرئيس وياكلون حاجات محشية مش عارف بايه وبيقولو ان مبارك هو رمز مصر وكلام كتير يخلي الواحد يخرج عن شعوره
وياريتها علي كده لأ الناس اللي بتحب تهيص في الزفة كتير ..مبيصدقو الا لما يلاقو حاجة يتكلمو عليها ..وخصوصا بقا جرايد الحكومة ..بس بجد أكتر واحد زعلني هو بلال فضل ..حتي انتا يا بلال ..بس كان لازم اتوقع منه اي حاجة علشان الحساسية الشديدة اللي عنده من الإخوان ..لا بجد لازم ارد
هو ايه أصل الحكاية
الحكاية وما فيها ان قانون الكادر الجديد بتاع المدرسين واللي كان فيه كلام من مدة كبيرة لما تم اعتمادة في مجلس الشعب وأقرو القانون كان من ضمن النواب اللي وقعو عليه عدد من نواب الإخوان وده شئ طبيعي جدا ..لأنهم نواب وبيخافو علي مصلحة المواطن لحد كده مفيش مشكلة ..
المشكلة بقا في اللي جاي قام عم حسني عمل( قعدة عرب) قصدي حفلة عنده يعني للاحتفال باقرار القانون الجديد ودعا كل النواب اللي وقعو علي الكادر بما فيهم نواب الإخوان والمعارضة وطبعا بتوع الحزب الوطني والحفلة دي يا اخوانا كنت في القصر الرئاسي .
وكان من الطبيعي ان نواب الإخوان يروحو زيهم زي اي حد مش علشان حسني و لا جمال لكن علشان هما كانو من ضمن النواب اللي وقعو علي القانون ومن حقهم يحضرو الإحتفالية اللي اتعملت علشان الموضوع ده لغاية هنا مفيش حاجة .
الناس راحو حضرو الحفلة وشافو الريس وسلم عليهم زي ما سلم علي كل الناس اللي كانت موجودة ..وأكلو من الأكل اللي اتقدملهم زي اي واحد كان هناك ..ايه المشكلة بقا
لا إزاي الإخوان يروحو هناك ...لا دول اكيد عاملين صفقة مع النظام علشان يمررو التوريث ...وإزواي هان عليهم اخوانهم المعتقلين في سجون مبارك ..وازاي حطو ايديهم في ايدين الفاسدين من رجال النظام .
يا جماعة لا عاملين صفقة مع النظام ولا هان عليهم اخوانهم المعتقلين ولا اي حاجة من الحاجات دي
مش معني ان هما بينتقدو نظام مبارك انهم لا يسلمو عليه ولا يحضرو اي حفلة او مؤتمر هو موجود فيه ...مبارك رئيس مصر سواء رضينا او لأ ..وكلنا عارفين انه بالتزوير ..بس برضه رئيس جمهورية مصر
وبعدين الخلاف مش علي شخص مبارك ولا جمال ...راح مبارك هيجي الأنيل منه المشكلة في الفساد اللي متوغل في الشعب المصري ..المشكلة ان اي حد بينادي بالإصلاح بيعتقل ..المشكلة في الحرامية اللي بيسرقو البلد هيا دي المشكلة
أما بالنسبة لتصريحات النائب محمود مجاهد ..فللأسف برغم الهجمات الإعلامية المتكررة الا ان احنا لسه في عندنا نواب مبيعرفوش يتعاملو مع الصحفيين ..النائب محمود مجاهد يا جماعة من الشخصيات الودودة الطيبة اللي بيقول اللي في قلبه وهو رد علي التصريحات دي كلها وقال ان كلامه تم تحريفة وانه مش قصده كده خالص وان هو دايما متفائل ولما خرج بعد الحفلة كان عنده امل في مزيد من الديموقراطية
الرد هتلاقوه علي الرابط ده
هي دي القصة من البداية يا جماعة اتمني اكون قدرت اوصل الصورة بشكل صح
6 تعليقات الزوار:
أخى الفاضل..
جزاك الله خيراً على هذا التوضيح؛ ولكن أرجو ألا تتأثر كثيراً بهذا الهجوم لأسباب عديدة منها:
1- أن هؤلاء الذين يتحدثون بصوت عالٍ، ويملؤون الدنيا ضجيجاً هم فى دائرة واحدة هى دائرة الكلام، ولم يخرجوا منها بعد.. دائرة تقييم أفعال الآخرين أى دائرة رد الفعل لا الفعل.
ولم يشهد التاريخ حالة واحدة لتغيير قامت على ردود الأفعال، ويكفى الإخوان أنهم فى دائرة الفعل، وليسوا خارجها بما يتوافق مع السياق التاريخى للتغيير.
2- أن أخطاء الإخوان هذه ما هى إلا فرصة ليتعلموا منها.. وهى فرصة لم تكن لتتاح لهم وهم فى لقاءاتهم التنظيمية المغلقة.. فمن خرج إلى الدائرة العامة لا بد أن يخطأ ليتعلم، ويخطأ ليصحح.
وأظن أن هذين السببين كافيان لكى لا ننشغل كثيراً، أو ننفعل بسبب مقالة هنا أو هناك، أو خطأ هنا أو هناك.
وجزاك الله خيراً.
سلام عليكم استاذ/انا حر
بصراحة دى اول مرة ازور فيها مدونتك واعجبت جدا باسلوبك واشكرك جدا على البوست ده
وعجبتنى جدا اغنية يابلادى واول مرة اسمعها برده
واتمنى لك التوفيق واتمنى انى اواصل متابعه مدونتك
وننتظر منك المزيد
بجد انا سعيد جدا يتعليقك في مدونتي يا باشمهندس وده شرف ليا والأسباب اللي ذكرتها دي فعلا صحيحة لأن في ناس اتعودت تتكلم بس وتعلق علي تصرفات الآخرين من غير ما تعمل حاجة او تقدم حاجة
بس انا حبيت اوضح الصورة لأن كتير من مدونات الإخوان مكلمتش عن الموضوع ده
بالنسبة للاخت أمة الله جزاك الله خيرا وربنا يجعله في ميزان حسناتنا
بجد يا احمد جزاكم الله خيرا على ذكرك للموضوع
ناس كتير انتهزت التعليقات و استغلتها
يعني اصطادوا في الميه العكرة بمعنى اصح
الاخوان وصوليين
تركوا الشعب و نحو القصر
و حاكات كده كتير
ربنا يبارك فيك و يحميك
يا حج أحمد ما تحرقش دمك.. دي مش أول حاجة يتلقفها متصيدو الأفعال ومأولو النيات للإخوان ولا آخر حاجة، ياما دقت على الراس طبول، ويا ما هتدق، بس أنا بحييك على الرد
الأخ علاء انا مبسوط علشان تعليقك ده واعتبر انه بداية علاقة طيبة بينا وسعيد علشان سرعة استجابتك الله يكرمك ويجزيك خير
أخويا شهاب ليك وحشة والله
ما شاءالله عليك
كل بوست لازم تعليق عليه وتسيب فيه بصمة
ربنا يكرمك
وبجد سعيد انك شرفت مدونتي
إرسال تعليق