الرسالة دي اتبعتتلي علي الميل وانا هنشرها زي ما هيا من غير تعديل ولا تحريف لأنها بالظبط بتوصف الحالة اللي احنا وصللنالها
واحد سألني.. عايز تموت إزاي ؟
عاوز تموت شهيد !
يا تركب طيارة – يا تركب عبارة
عاوز تموت من الجوع !
يا تشترى شقة – يا تشترى عربية بالقسط
عاوز تموت من الحسرة !
يا تتفرج على الفاترينات في ستي ستارز – يا تروح زيارة لمارينا
عاوز تموت مرعوب !
يا تستنى نتيجة الثانوية العامة – يا تستنى نتيجة التحاليل عند الدكتور
عاوز تموت مشهور !
يا تتجوز رقاصة – يا تقتل مشهور
عاوز تموت مليونير !
يا تعمل فيديو كليب – يا تلعب كورة
عاوز تموت وراء الشمس !
يا تشغل مخك – يا تفتح بؤك
عاوز تموت منكاد !
يا ترشح نفسك في الأنتخابات – يا تغش في اتفاقية الجات
عاوز تموت من الحزن !
يا تفكر دايماً في أحوالك – يا تحط الحكومة في بالك
عاوز تموت من الضحك !
يا تتجوز أتنين – يا تشتغل مع المجانين
عاوز تموت في حالك !
أعمل نفسك دايماً مش واخد بالك
هناك ٣ تعليقات:
حكم رااائعه و امثله فى الصميم و الله
ههههههه
تحياتى اليك يا رئيس الاحرار
ابو مفراح
أدعوك للمشاركة في الحملة ضد جريدة المصري اليوم
زوروا مدونة مظلومين للتعرف على الحملة وأسبابها وأهدافها
كن إيجابيًا وشارك وقل
لا للكذب والتلفيق
مالك مصطفى
شكرا ليك اخويا ابو مفراح
بالنسبة لأخويا مصطفي فأنا معاك في المقاطعة وأنا من زمان وواخد عهد علي نفسي مقراش المصري اليوم وده كان بعد أحداثالأزهر لأني عرفت ان هيا جريدة صفرا ومش مستقلة ولا حاجة دي قلم جديد من أقلام الحكومة يا ريس
يا خسارة
إرسال تعليق